【抱膝思量】《之一四三：噢。》

每趟大掃除，斷捨離，這個女兒毫無懸念，sentimental value，what sentimental value？人家喜歡用得著便好。我豈有那般灑脫，這件晨褸二姑媽美國帶來冇著過留返第日睇下邊個啱，在旁她翻白眼。有次來問，套 Robert Jordan 呢，咪話啲英文寫得咁差送走咗啦。噢。

阿女又摷到件紀念恤，四十幾年前當年勇，志風號外展十八日來回香港菲律賓，嘩 vintage jumper 恨死隔籬立即據為己有。真係好您仲留返低。噢。

六歲那年執拾了一個 time capsule，打開，有BB衫孭帶童鞋，有五歲學校表演老師特別釘裝她專用的讀本，她是 narrator。有本相簿六年間生活點滴，oh you’re so good looking when you’re younger！童言無忌阿媽心悒。個時間囊係您哋一廂情願邊係留畀我吖。噢。