【抱膝思量】《之一四七：147》

阿偉同湯姆齊齊擰頭，桌球，老人家嘅玩意唔啱我哋。我哋踢波捧諾域治金絲雀，湯姆呻可惜另一半唔肯陪我睇波。女兒跟他倆同年，亦不過是疫情期間呆困在家開始入迷，那個父親當然歡喜有伴分享，詳細解說遊戲規則，專注、堅韌、盤算、技術、運氣，缺一不可。某日興緻勃勃兩父女出城落場揣摩三個鐘，一枝57吋球桿控球遊走擊中再對準下一目標，確實唔容易邊係符碌撞棍咁簡單。

梅花間竹打紅與黑球，再入埋六個顏色波，總得分147 maximum break 。難度之高專業賽被承認只有202次紀錄，試過有人漸入佳境全場屏息靜氣連隔離枱都停晒手一旁觀賞。成功得分當然眉飛色舞，對手球證也來握手道賀，觀眾拍爛手掌。

世界錦標賽十六名種子十六名淘汰賽入圍參與，戰況如火如荼，第一輪已經有七名種子選手出局，衞冕冠軍也落敗。去年他的對手打出147，成為歷來總決賽首次，佳話傳誦一時。