【抱膝思量】《之一四八：五月不剪草》

為響應五年前開始推動的 No Mow May campaign，我們趕快在四月底修剪草坪不致蕪雜無序，保留盛放的雛菊蒲公英 buttercups 毋忘我，滿園野花，即管恣意搖曳。支持環保運動，救救蜜蜂，庇護野生生物活化大自然生態。好咯五月的週末唔使睇天做人買完餸趕返嚟剪草，有閒情佇立窗前觀賞繁花綻放，chaffinch 啄食蒲公英，灰鴿雙雙對對鞦韆架上親暱。蜂媒蝶使，來叩窗槅，數到花槽今年多咗六棵狐狸手套。

過往春夏週末假期，highlight of the week，家家戶戶洗車剪草順便跟鄰居吹水。近年興起東歐廉價勞動力人手洗車服務，懶得自己動手，街頭巷尾梗有一間喺左近。唔洗車唔使剪草放假可以有什麼搞作，月初的公眾假期，村中舉行 Mayfest，樂隊演奏小丑雜耍古董老爺車巡遊展覽童軍擺攤燒烤餵食，一於呼朋喚友與眾同樂。